2020 оны 4-р сарын 4
US Civic Lessons 101
(Acуулт/Хариулт 11-20)
Та бүхэндээ амралтын өдрийн мэнд хүргэе!
Бид АНУ-ын нийгмийн тухай онлайн цуврал хичээлийнхээ 2-р хэсгийг таньд толилуулахад бэлэн боллоо. Энэхүү материалыг АНУ-ын иргэншлийн шалгалтанд бэлдэж буй хүмүүст төдийгүй англи хэл сурч буй оюутан залуучууд, АНУ-ын нийгэм, түүхийн тухай мэдлэгээ тэлэх сонирхолтой хүн бүрт зориулан бэлтгэж буйг өмнөх дугаартаа та бүхэнд мэдээлсэн билээ.
За ингээд энэ 7 хоногийн англи текстээ 10 асуулт, хариултын хамт хүлээн авна уу.
Хэлтэй бол хөлтэй. Бүгдэд нь амжилт хүсье!
САНАМЖ АНУ-ын Иргэншил, Цагаачлалын Газраас зарим асуултад хэд хэдэн янзын хариу бичсэн бөгөөд бүгд зөв хариултууд гэдгийг сануулая. Өөрөөр хэлбэл энэ тэст нь буруу, зөв олон хариултаас нэг зөв/буруу хариултыг сонгодог тэст биш. Жишээ нь: 1,6-р асуултуудын хариуг харцгаая:
6) Үндсэн хуулийн 1-р нэмэлтэнд тунхагласан хүний эрхүүдээс нэг эрх буюу эрх чөлөөг нэрлэнэ үү? (Доорх хариултууд бүгд зөв бөгөөд, зөвхөн НЭГ хариултыг л сонгон нэрлэнэ.) * Үг хэлэх * Шашин шүтэх * Эвлэлдэн нэгдэх * Хэвлэн мэдээлэх * Засгийн газарт өргөдөл өргөн барих
1) Үндсэн хууль ямар үүрэгтэй вэ? (Доорх хариултууд бүгд зөв бөгөөд, БҮХ хариултыг нэрлэнэ. Учир нь "нэг үүрэг"-ийг гэж тусгайлан асуугаагүй) * Засгийн Газрыг эмхлэн байгуулах * Засгийн Газрын эрх үүрэг, хэм хэмжээг тогтоох * Америк хүний суурь эрхийг хамгаалах
За ингээд эхэлцгээе! Бүгдэд нь амжилт :-)
